月con隱形眼鏡： 性價比舒適之選
月con，即月拋隱形眼鏡，設計使用期限為30日，介乎日拋同年拋之間，價格適中又平衡到方便程度。對於想節省開支，但又唔想好似年拋咁要長時間保養嘅用戶，月拋係個不錯嘅選擇。只要定期清潔同按時更換，就可以確保配戴舒適，難怪成為唔少戴Con朋友嘅首選。
月con隱形眼鏡：主要特點
使用期限：每副鏡片可用30日，記住每日清潔洗con同用保存液浸泡存放好。
材質：多數用高透氧性材料，適合長時間佩戴，舒適又透氣。
性價比：相比日拋，月拋價格多數平啲，但需要額外購買Con水護理液保養。
月con適合哪些人？
月拋隱形眼鏡特別啱以下幾類人：
經常戴隱形眼鏡嘅人：例如學生、上班族，適合每日戴，但唔想每日更換鏡片嘅人。
追求性價比嘅朋友：如果經常戴con，月拋與日拋比較，單日成本更低，可以節省部分開支。
有耐性保養護理：月拋需要每日清潔鏡片，適合有充足時間打理鏡片嘅朋友。
對需要穩定視力矯正嘅朋友，月拋同日拋一樣達到同樣效果，無論係近視、散光定老花，月拋及日拋都能提供穩定嘅視力矯正效果，大家可以按其他方面的需度選擇。
月con與日拋的比較
在選擇隱形眼鏡時，很多人會猶豫是選擇月con還是日拋。以下是兩者的比較：
| 特性 | 月拋 | 日拋 |
|---|---|---|
| 使用期限 | 使用30日，需要每日清潔同保存 | 一次性使用，每日用完即棄 |
| 性價比 | 經常戴con單日成本較低 | 經常戴con單日成本較高 |
| 便利程度 | 每日需要額外時間護理 | 較方便，不需清潔保養 |
| 舒適度 | 高透氧度材料，但透氧和水份會隨時間下降 | 較衛生，材料適合一次性使用 |
月拋需要重複使用，因此每次除con後，都要用洗con水來清潔、沖洗，以及便用保存液浸泡，保持鏡片乾淨同衛生。
日拋用完即棄，所以鏡片上嘅眼分泌物、沙塵等污糟物不需要理會。日拋只適合單次使用，不可重覆使用，舒適度與月拋不相上下。
多數客人更會考慮隱形眼鏡價錢比較而決定買月拋定日拋，建議參考月con及1Day價錢比較，再決定要購買邊款隱形眼鏡。
含水量
唔少人以為眼乾就要選擇含水量高嘅隱形眼鏡，其實唔一定。高含水量嘅隱形眼鏡反而唔太適合眼乾朋友。因為當佩戴時，鏡片嘅水分揮發後，會自動吸收眼睛本身嘅水分，反而加劇眼乾問題。
直徑與弧度
直徑：
透明con直徑可以根據眼睛大小、上眼舒適度選擇，只要能舒服地上眼就好，分別不太大。Color Con則可按風格及放大效果選擇，14.2mm較自然；14.5mm con 放大明顯；最新甚至有15.0mm con。
弧度：
配戴與取出
配戴前徹底洗淨並擦乾雙手。
佩戴前檢查鏡片是否有損壞。
使用指尖戴上同取出鏡片。
唔好超過建議嘅配戴時間 (通常每日唔建議超過10-12小時)。
睡前取下鏡片，除非眼科醫生特別建議可以連續配戴。
無論實際配戴頻率如何，30日後必須丟棄鏡片。
月con的常見問題
戴Con可唔可以滴眼藥水？
戴Con耐咗眼乾眼澀要滴眼藥水？可以的，但要小心，唔係所有眼藥水都適合配戴隱形眼鏡時使用。
如果眼藥水含有防腐劑，可能會累積喺鏡片上，其他成分亦可能同鏡片物料產生代學作用，對眼睛而言未必安全。如果需要滴眼藥水，可以選擇：
使用眼藥水及人工淚液前，記得要遵從說明書上嘅使用方法，確保適合戴con時使用。
戴con睡覺的危害
很多人都知道唔可以戴住Con訓覺，但你知唔知後果可以好嚴重？
缺氧：鏡片會阻礙氧氣進入眼睛，當緊閉雙眼訓覺時，氧氣供應會更加有限。因為眼角膜需要依靠淚水直接溶解空氣中嘅氧氣來提供給眼角膜，但喺訓覺時淚水分泌會減少，導致眼睛缺氧，引發眼睛乾澀、充血、發炎等問題。
眼乾：淚水嘅作用係清潔同保護眼睛，但訓覺時鏡片會阻礙淚水嘅正常流動，令眼睛更容易變得乾澀。
戴住Con訓覺會有不適或損害眼睛健康的風險。如果真係唔記得喺訓覺前除Con，眼睛如有任何不適，就要需要立即尋求醫生協助。
隱形眼鏡會滑到眼球後面？
好多人人都擔心隱形眼鏡會滑入眼球後面，擔心無法取出隱形眼鏡，但其實呢個情況不太可能發生。因為上下眼皮嘅內側同眼球表面有一層薄膜連為一體，裡面係「掘頭路」。所以隱形眼鏡絕對唔會穿過薄膜跑到眼球後面，最多只會移位走到上下眼皮內最深處的位置。
月con的安全性
月Con除左透明近視、散光、老花等，仲有月戴的Color Con。月戴Color Con嘅安全性，唔少人會擔心顏色會接觸到眼球。其實，優質嘅彩色隱形眼鏡會採用「三文治著色技術」，將色素完全包覆於鏡片之間，確保色素唔會接觸到眼球。正規品牌嘅鏡片通常會通過KFDA、SGS、KGMP等安全認證，令你戴得靚靚又安心。
新手配戴con指南
如果你係隱形眼鏡新手，以下係一啲入門建議：
了解自己的需要：無論係因為唔想戴眼鏡還是想扮靚靚，首先要了解自己日後戴con嘅頻率。如果一個禮拜只會戴幾日，可以考慮day con。但如果一個禮拜會戴4日或以上，戴day con同月con都無問題，詳細可參考月con及1Day價錢比較。
選擇適合的物料：根據自己嘅眼睛狀況同佩戴習慣，選擇水凝膠或矽水凝膠材質嘅鏡片。
學習正確的佩戴方法：正確嘅戴Con同除Con方法可以節省時間，同埋確保唔會誤傷眼睛，建議初次戴戴前參加戴Con小教室由導師教你戴除Con技巧。
