【眼睛紅筋救星】5大眼藥水種類介紹！專家告訴你如何正確護眼
眼睛乾澀、疲勞或者紅筋，係唔少都市人嘅常見問題。喺數碼時代，每日長時間對住電腦同手機螢幕，眼睛感覺愈來愈唔舒服。以下主要介紹不同種類眼藥水，例如人工淚液、去紅筋眼藥水等等嘅成分同效果，幫你選擇最啱自己嘅產品，令雙眼重拾舒適感。
目錄
添加標題以開始生成目錄
眼藥水的種類與選擇
市面上眼藥水款式咁多，點知邊款先啱自己？其實每款眼藥水都有特定用途，大家可以先了解自己眼睛狀況，以及眼藥水的成分及用途先。
1. 人工眼淚 – 眼乾救星
功能：主要目標為模仿人體淚液，幫助滋潤乾澀嘅眼睛：
內含聚合物例如透明質酸（Hyaluronic acid），有助保持淚液嘅厚度和穩定性，效果較長時間。
適合對象：長時間用電腦、經常處於冷氣環境
注意事項：人工淚液無藥性，適合日常需要時使用，長時間使用一般都唔會有大問題，幾乎沒有副作用。
2. 去紅筋眼藥水 – 速效去紅筋
功能：通常含有血管收縮劑，可以快速收縮眼部血管，短時間內消除紅筋。
適合對象：偶爾出現紅筋，需要即時改善外觀
注意事項：長期使用或會導致「反彈性充血」，紅筋問題可能更嚴重
3. 隱形眼鏡專用眼藥水 – 戴CON人士必備
功能：保濕、防止眼乾眼紅
適合對象：長時間戴CON、眼乾易敏感人士
注意事項：購買前要先確認眼藥水適用於隱形眼鏡
4. 抗過敏眼藥水 – 過敏人士恩物
功能：減少痕癢、紅腫、流眼水
適合對象：眼敏感、花粉症、季節性過敏
注意事項：部分款式含類固醇，長期使用要醫生指示
5. 消炎眼藥水 – 針對發炎問題
功能：治療紅眼症、角膜炎，預防術後感染
適合對象：醫生診斷有眼部炎症人士
注意事項：含抗生素或類固醇，需按醫生指示使用，不建議自行購買及使用
點揀先最適合自己？
如果只係普通眼乾，用人工淚淚就好足夠；敏感就要用抗過敏款；偶爾有紅筋可以用去紅筋眼藥水，但不建議長期滴。戴CON人士記得買專用眼藥水。有任何疑問，最好搵視光師或眼科醫生確認先使用就更安全。
正確使用眼藥水嘅方法
使用前的準備
清潔雙手：用眼藥水之前，記得先徹底洗淨雙手，避免細菌感染。
檢查有效期：用眼藥水之前，要確保眼藥水仲係有效期內，千萬唔好用過期嘅。
隱形眼鏡使用者留意：如果用嘅眼藥水含有防腐劑，記得先除下隱形眼鏡，等至少15分鐘先再戴返。
使用頻率建議
含防腐劑嘅眼藥水一日不宜使用超過6次。
去紅筋眼藥水建議短時間使用，不建議連續使用超過2個星期。
人工淚液可以按需要使用，副作用比眼藥水少。但都唔好過度依賴，保持適量就最好，眼乾情況有所改善就可以停用。
熱賣眼藥水及人工淚液
Contact Lens Easy 唔單止有隱形眼鏡同眼鏡產品，仲有多款來自大廠品牌嘅眼藥水、潤眼液同人工淚液。無論係平時戴CON定眼鏡，無論係日常保養定臨時需要，都可以選擇啱自己嘅護理用品。加購護理用品，幫你保持清晰視力，同時維持眼睛健康。
長期使用嘅隱藏風險
雖然去紅筋眼藥水可以即刻改善眼睛情況，但眼科專家都警告，長期使用其實有啲隱藏風險：
反彈性充血：長期用落去，一停藥眼球可能會更加紅，反而加重眼球充血嘅情況。
依賴性：用咗兩至三個星期，如果唔再用眼藥水，眼睛紅筋問題可能會更加嚴重。
掩蓋根本問題：去紅筋眼藥水有機會治標不治本，要從根源舒緩紅筋，就需要先解決解眼乾或者眼敏感問題。
香港眼科專科邱俊源醫生都提到：「消紅筋眼藥水長期使用可能會有倚賴性，一停用可能令紅筋問題更加嚴重。」
眼睛保健的替代方案
除咗用眼藥水，仲有其他方法可以保護眼睛健康：
日常護眼習慣
20-20-20法則：每用電子產品20分鐘，就望下20呎（大約6米）遠嘅物體20秒，幫助眼睛休息。
定期休息：長時間用眼後，記得閉眼休息，或者做啲眼部放鬆運動，減輕眼睛疲勞。
保持環境清潔：盡量減少灰塵，使用防塵蟎嘅床單，定期清洗床單同枕頭，保持清潔。
熱敷療法
香港中文大學眼科中心任卓昇醫生表示，熱敷可以擴張眼周圍嘅血管，幫助血液循環，紓緩眼睛疲勞。建議熱敷溫度不要超過40℃，每次敷15分鐘，舒緩眼睛。
何時應該就醫？
以下情況建議尋求專業眼科醫生嘅幫助：
使用眼藥水後，紅筋沒有改善或者不適感加劇
眼睛持續疼痛，分泌物增多或者視力變化
對眼藥水成分過敏，或者出現不良反應
長期依賴去紅筋眼藥水，但症狀仍未改善
